ᲗᲔᲛᲝ ᲒᲐᲑᲐᲓᲐᲫᲔ

თემო გაბადაძის გზა პროფესიონალურ სპორტში ფეხბურთით დაიწყო, რომელსაც მან თავისი ცხოვრების 12 წელი მიუძღვნა. ფეხბურთმა მას ასწავლა დისციპლინა, გუნდურობა და მიზნისკენ მუდმივი სვლა, თუმცა ერთმა სერიოზულმა ტრავმამ საფეხბურთო კარიერის შეწყვეტა აიძულა.

ტრავმის შემდეგ თემო სპორტს არ ჩამოშორებია. პირიქით, ახალი მიმართულება კრივში იპოვა და პროფესიონალურ დონეზე დაიწყო ვარჯიში. კრივმა მას ფიზიკურ გამძლეობასთან ერთად სხეულის კონტროლის, მოძრაობის სიზუსტისა და ფსიქოლოგიური სიმტკიცის მნიშვნელობა დაანახა.

შემდეგი ეტაპი ფიტნესი იყო. მან აქტიურად დაიწყო ვარჯიში და პარალელურად თეორიული ცოდნის მიღება. დაამთავრა სპორტის სახელმწიფო უნივერსიტეტის სამწვრთნელო ფაკულტეტი. თავდაპირველად ზოგადი ფიტნესის მიმართულებით მუშაობდა, თუმცა პრაქტიკამ აჩვენა, რომ ადამიანებს ხშირად სხეულის სხვადასხვა ფუნქციური შეზღუდვა აწუხებდათ. სწორედ ამან გაუღვივა კორექტიული ვარჯიშების მიმართ ინტერესი.

დღეს თემო გაბადაძე კორექტიული ვარჯიშების სპეციალისტი და პერსონალური ტრენერია. მას გავლილი აქვს სხვადასხვა საერთაშორისო სასერტიფიკატო კურსი. მისთვის ვარჯიში მხოლოდ ფიზიკური დატვირთვა არ არის - ეს არის გზა, რომ ადამიანმა უკეთ გაიცნოს საკუთარი სხეული, იზრუნოს ჯანმრთელობაზე და შედეგს ტრავმების გარეშე მიაღწიოს.